|
Y Pwyllgor Busnes |
|
Lleoliad: |
Swyddfa'r Llywydd, 4ydd Llawr, Tŷ Hywel |
|
|
||
|
Dyddiad: |
Dydd Mawrth, 25 Tachwedd 2014 |
|
|||
|
Amser: |
08.30 - 08.39 |
|
|||
|
|
|||||
|
|
|||||
|
Cofnodion: Preifat |
|||||
|
|
|
|
|||
|
Aelodau’r Pwyllgor: |
|
Y Fonesig Rosemary Butler (Cadeirydd) Paul Davies Jane Hutt Elin Jones Aled Roberts |
|||
|
|
|
||||
|
|
|
|
|||
|
Staff y Pwyllgor: |
|
Aled Elwyn Jones (Clerc)
|
|||
|
|
|
||||
|
|
|
|
|||
|
Eraill yn bresennol: |
|
David Melding AC, Y Dirprwy Lywydd Christopher Warner, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Craig Stephenson, Cyfarwyddwr Dros Dro Gwasanaethau’r Comisiwn Peter Greening, Llywodraeth Cymru
|
|||
|
|
|
||||
1 Ymddiheuriadau a chyhoeddiadau
2 Cofnodion y cyfarfod blaenorol
Nododd y Pwyllgor y cofnodion i'w cyhoeddi.
3 Trefn busnes
3.1 Busnes yr wythnos hon
Bydd y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.
3.2 Amserlen Busnes y Llywodraeth ar gyfer y tair wythnos nesaf
Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.
3.3 Amserlen Busnes y Cynulliad ar gyfer y tair wythnos nesaf
Penderfynodd y Pwyllgor Busnes ar drefn y busnes a chytunodd i amserlennu’r eitemau a ganlyn:
Dydd Mercher 10 Rhagfyr 2014
· Dadl gan Aelodau Unigol o dan Reol Sefydlog 11.21(iv) (60 munud)
Dydd Mercher 14 Ionawr 2015
· Dadl ar Adroddiad y Pwyllgor Cyfrifon Cyhoeddus ar Gyflogau Uwch-reolwyr (60 munud)
· Amser a neilltuwyd i'r Ceidwadwyr Cymreig (60 munud)
· Amser a neilltuwyd i Blaid Cymru (60 munud)
Cytunodd y Pwyllgor Busnes i ail-amserlennu’r eitem ganlynol o fusnes:
Dydd Mercher 10 Rhagfyr 2014
·
Amser a neilltuwyd i'r Ceidwadwyr
Cymreig (120 60 munud)
3.4 Dadl Aelod Unigol: Dewis y Cynnig ar gyfer y Ddadl
Oherwydd ansawdd uchel y cynigion a gyflwynwyd, dewisodd y Pwyllgor Busnes y pedwar cynnig. Bydd dyddiadau'r cynigion ar gymorth i farw ac awtistiaeth yn y flwyddyn newydd, a bydd y Pwyllgor Busnes yn penderfynu arnynt yn y dyfodol.
Dydd Mercher 3 Rhagfyr 2014
NNDM5625
Mike Hedges (Dwyrain Abertawe)
Jocelyn Davies (Dwyrain De Cymru)
Peter Black (Gorllewin De Cymru)
Cynnig bod Cynulliad Cenedlaethol Cymru:
Yn credu y dylid datganoli plismona (heblaw am Asiantaeth Troseddu Cenedlaethol y DU a diogelwch gwladol).
Dydd Mercher 10 Rhagfyr 2014
NNDM5630
Antoinette Sandbach (Gogledd Cymru)
Bethan Jenkins (Gorllewin De Cymru)
Jenny Rathbone (Canol Caerdydd)
Cynnig bod Cynulliad Cenedlaethol Cymru:
1. Yn nodi:
a) bod menywod wedi gwneud cyfraniad enfawr i fywyd gwaith Cymru ac yn parhau i fod yn rhan hanfodol o economi Cymru;
b) ei bod bron i 100 mlynedd ers i fenywod gael y bleidlais a bron i 40 mlynedd ers y Ddeddf Cyflog Cyfartal;
c) bod gan Lywodraeth Cymru ran bwysig i'w chwarae o ran sicrhau nad oes gwahaniaethu sefydliadol yn digwydd yn y gweithle.
2. Yn galw ar Lywodraeth Cymru i beidio â dyfarnu contractau caffael neu arian grant Llywodraeth Cymru i gwmnïau nad oes ganddynt unrhyw gyfarwyddwyr benywaidd ar eu byrddau.
Dyddiad i'w benderfynu
NNDM5636
Simon Thomas (Canolbarth a Gorllewin Cymru)
Julie Morgan (Gogledd Caerdydd)
Mick Antoniw (Pontypridd)
Alun Ffred Jones (Arfon)
Angela Burns (Gorllewin Caerfyrddin a De Sir Benfro)
Cynnig bod Cynulliad Cenedlaethol Cymru:
Yn cefnogi egwyddorion y Bil Cymorth i Farw.
Mae'r Bil Cymorth i Farw ar gael yn:
http://services.parliament.uk/bills/2014-15/assisteddying.html
Dyddiad i'w benderfynu
NNDM5639
Mark Isherwood (Gogledd Cymru)
Cynnig bod Cynulliad Cenedlaethol Cymru:
1. Yn croesawu llwyddiant Cynllun Gweithredu Strategol Anhwylder ar y Sbectrwm Awtistig Llywodraeth Cymru.
2. Yn nodi bod mwy i'w wneud i gwrdd ag anghenion plant ac oedolion ag awtistiaeth yng Nghymru.
3. Yn credu y byddai gosod dyletswyddau penodol ar awdurdodau lleol a byrddau iechyd yn arwain at fwy o eglurder ynghylch y gofal a'r cymorth y gall pobl ag awtistiaeth ei ddisgwyl.
4. Yn galw ar Lywodraeth Cymru i gyflwyno Deddf Awtistiaeth ar gyfer Cymru.
Mae Cynllun Gweithredu Strategol Anhwylder ar y Sbectrwm Awtistig Llywodraeth Cymru ar gael yn:
http://wales.gov.uk/topics/childrenyoungpeople/publications/autisticspectrumdisorderplan/?lang=en
4 Deddfwriaeth
4.1 Memorandwm Cydsyniad Deddfwriaethol Atodol: Y Bil Dadreoleiddio
Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol Atodol mewn perthynas â'r Bil Dadreoleiddio.
Cytunodd y Rheolwyr Busnes i gyfeirio'r Memorandwm Cydsyniad Deddfwriaethol Atodol i'r Pwyllgor Amgylchedd a Chynaliadwyedd ar gyfer craffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm Cydsyniad Deddfwriaethol Atodol erbyn dydd Iau 8 Ionawr 2015 er mwyn i’r Cynnig Cydsyniad Deddfwriaethol Atodol gael ei drafod yn y Cyfarfod Llawn ddydd Mawrth 13 Ionawr 2015.